Google ADS

Kurti i ofron ndihmë Kroacisë: Trupat tanë të FSK-së janë të gatshëm si përherë t’i dalin në ndihmë miqve tanë

11:58 | 22 Mars 2020
L G

Kryeministri i Republikës së Kosovës, Albin Kurti, ka shprehur përkrahjen e Qeverisë së Kosovës për Kroacinë, pas tërmetit 5.4 ballësh që shkaktoi shumë dëme materiale në Zagreb.

Ndonëse fatmirësisht viktima në njerëz nuk është raportuar ende, sipas Kurtit dëmet materiale janë të mëdha, dhe për këtë Qeveri e Kosovës do t’i shohim të gjitha mundësitë për të ofruar ndihmën tonë institucionale./arbresh.info

Postimi i plotë:

Zagrebin sot e zgjoi tërmeti prej 5.4 ballëve. Në kohën kur institucionet kroate po luftojnë me virusin corona, sot ato duhet të merren edhe me pasojat e tërmetit. Dëmet materiale janë të mëdha por fatmirësisht duket se pa viktima në njerëz.

Si Qeveri e Kosovës do t’i shohim të gjitha mundësitë për të ofruar ndihmën tonë institucionale. Uroj që Qeveria e Kroacisë, Kryeministri i saj z. Andrej Plenković, të ja dalin mbanë e të mos kenë nevojë për ne të tjerët. Gjithsesi, trupat tanë të FSK-së janë të gatshëm si përherë t’i dalin në ndihmë miqve tanë.

Shpërndaje në rrjete sociale

Lajmet më të lexuara

Të ngjashme

Foto lajm